श्री अन्नपूर्णा स्तोत्र/Maa Annapurna Stotram
श्री अन्नपूर्णा स्तोत्र/Maa Annapurna Stotram
नित्यानन्दकरी वराभयकरी सौन्दर्यरत्नाकरी निर्धूताखिलघोरपावनकरी प्रत्यक्षमाहेश्वरी ।
प्रालेयाचलवंशपावनकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥१॥
नानारत्नविचित्रभूषणकरी हेमाम्बराडम्बरी मुक्ताहारविलम्बमानविलसद्वक्षोजकुम्भान्तरी ।
काश्मीरागरुवासिताङ्गरुचिरे काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥२॥
योगानन्दकरी रिपुक्षयकरी धर्मार्थनिष्ठाकरी चन्द्रार्कानलभासमानलहरी त्रैलोक्यरक्षाकरी ।
सर्वैश्वर्यसमस्तवाञ्छितकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥३॥
कैलासाचलकन्दरालयकरी गौरी उमा शङ्करी कौमारी निगमार्थगोचरकरी ओङ्कारबीजाक्षरी ।
मोक्षद्वारकपाटपाटनकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥४॥
दृश्यादृश्यविभूतिवाहनकरी ब्रह्माण्डभाण्डोदरी लीलानाटकसूत्रभेदनकरी विज्ञानदीपाङ्कुरी ।
श्रीविश्वेशमनःप्रसादनकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥५॥
उर्वीसर्वजनेश्वरी भगवती मातान्नपूर्णेश्वरी वेणीनीलसमानकुन्तलहरी नित्यान्नदानेश्वरी ।
सर्वानन्दकरी सदा शुभकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥६॥
आदिक्षान्तसमस्तवर्णनकरी शम्भोस्त्रिभावाकरी काश्मीरात्रिजलेश्वरी त्रिलहरी नित्याङ्कुरा शर्वरी ।
कामाकाङ्क्षकरी जनोदयकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥७॥
देवी सर्वविचित्ररत्नरचिता दाक्षायणी सुन्दरी वामं स्वादुपयोधरप्रियकरी सौभाग्यमाहेश्वरी ।
भक्ताभीष्टकरी सदा शुभकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥८॥
चन्द्रार्कानलकोटिकोटिसदृशा चन्द्रांशुबिम्बाधरी चन्द्रार्काग्निसमानकुन्तलधरी चन्द्रार्कवर्णेश्वरी ।
मालापुस्तकपाशासाङ्कुशधरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥९॥
क्षत्रत्राणकरी महाऽभयकरी माता कृपासागरी साक्षान्मोक्षकरी सदा शिवकरी विश्वेश्वरश्रीधरी ।
दक्षाक्रन्दकरी निरामयकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी ॥१०॥
अन्नपूर्णे सदापूर्णे शङ्करप्राणवल्लभे । ज्ञानवैराग्यसिद्ध्यर्थं भिक्षां देहि च पार्वति ॥११॥
माता च पार्वती देवी पिता देवो महेश्वरः । बान्धवाः शिवभक्ताश्च स्वदेशो भुवनत्रयम् ॥१२॥
Maa Annapurna Stotram/श्री अन्नपूर्णा स्तोत्र
NityanandaKari VarabhayaKari SaundaryaratnaKari
Nirdhuta Akhila Ghora Pavan Kari Pratyakssa Maheshvari.
Praleya Achala Vamsha Pavan Kari Kashi Pura Adhishvari
Bhikssaam Dehi Kripa Avalambana Kari Mata Annapurneshvari । 1 ।
Naanaa Ratna Vicitra Bhuussanna Kari Hema Ambara dambari
Muktaa Haara Vilambamaana Vilasad Vakssoja Kumbha Antari.
Kaashmira Agaru Vaasita Angga Rucire Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 2 ।
Yoga-nanda Kari Ripu Kssaya Kari Dharma Artha Nisstthaa Kari
Candra Arka Anala Bhaasamaana Lahari Trailokya Rakssaa Kari
Sarva Eshvarya Samasta Vaan-Cchit Kari Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 3 ।
Kailaasa Acala Kandara laya Kari Gauri Umaa ShangKari
Kaumaari Nigama Artha Gocara Kari Ongkaara Bija Akssari.
Mokssa Dvaara Kapaatta Paattana Kari Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 4 ।
Drshya Adrshya Vibhuuti Vaahana Kari Brahmanndda Bhannddo dari
Lilaa Naattaka Suutra Bhedana Kari Vijnyaana Dipa Angkuri.
Shri Vishvesha Manah Prasaadana Kari Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 5 ।
Urvi Sarva Jane Shwari Bhagavati Maata Annapurneshvari
Venni Nila Samaana Kunta Lahari Nitya Anna Daane Shvari.
Sarvananda Kari Sadaa Shubha Kari Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 6 ।
Aadikssa Anta Samasta Varnnana Kari Shambhos Tri Bhaava Kari
Kaashmiraa Tri Jale Shvari Tri Lahari Nitya Angkuraa Sharvari.
Kaama Kangkssa Kari JanodayaKari Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 7 ।
Devi Sarva Vicitra Ratna Racitaa Daakssaayanni Sundari
Vaamam Svaadu Payo Dhara Priya Kari Saubhaagya Maahe Shvari.
Bhakta Abhisstta Kari Sadaa Shubha Kari Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 8 ।
Candra Arka Anala Kotti Kotti Sadrshaa Candra Amshu Bimba Adhari
Candra Arka Agni Samaana Kuntala Dhari Candra Arka Varnne Shvari.
Maalaa Pustaka Paashaasa Angkusha Dhari Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 9 ।
Kssatra Traanna Kari Mahaabhaya Kari Maataa Krpaa Saagari
Saakssaan Mokssa Kari Sadaa Shiva Kari Vishveshvara Shri Dhari.
Dakssaa Kranda Kari Niraamaya Kari Kaashi Pura Adhishvari
Bhikssaam Dehi Kripa Avalambana Kari Mata Annapurneshvari । 10 ।
Annapurne Sadaa Puurnne Shangkara Praanna Vallabhe.
Gnyaana Vairaagya Siddhy Artham Bhikssaam Dehi Cha Paarvati । 11 ।
Mata Cha Paarvati Devi Pitaa Devo Maheshvarah.
Baandhavaah Shiva Bhaktaash Ca Svadesho Bhuvana Trayam । 12 ।
। Shri Shankaracharya Krutam ।
