श्री नृसिंह अष्टकम | Narsingh Ashtakam

श्री नृसिंह अष्टकम (Narsingh Ashtakam)

श्रीमदकलङ्क परिपूर्ण शशिकोटि-
श्रीधर मनोहर सटापटल कान्त।
पालय कृपालय भवाम्बुधि-निमग्नं
दैत्यवरकाल नरसिंह नरसिंह ॥ १ ॥

पादकमलावनत पातकि-जनानां
पातकदवानल पतत्रिवर-केतो।
भावन परायण भवार्तिहरया मां
पाहि कृपयैव नरसिंह नरसिंह ॥ २ ॥

तुङ्गनख-पङ्क्ति-दलितासुर-वरासृक्
पङ्क-नवकुङ्कुम-विपङ्किल-महोरः ।
पण्डितनिधान-कमलालय नमस्ते
पङ्कजनिषण्ण नरसिंह नरसिंह ॥ ३ ॥

मौलिषु विभूषणमिवामर वराणां
योगिहृदयेषु च शिरस्सुनिगमानाम् ।
राजदरविन्द-रुचिरं पदयुगं ते
देहि मम मूर्ध्नि नरसिंह नरसिंह ॥ ४ ॥

वारिजविलोचन मदन्तिम-दशायां
क्लेश-विवशीकृत-समस्त-करणायाम् ।
एहि रमया सह शरण्य विहगानां
नाथमधिरुह्य नरसिंह नरसिंह ॥ ५ ॥

हाटक-किरीट-वरहार-वनमाला
धाररशना-मकरकुण्डल-मणीन्द्रैः ।
भूषितमशेष-निलयं तव वपुर्मे
चेतसि चकास्तु नरसिंह नरसिंह ॥ ६ ॥

इन्दु रवि पावक विलोचन रमायाः
मन्दिर महाभुज-लसद्वर-रथाङ्ग।
सुन्दर चिराय रमतां त्वयि मनो मे
नन्दित सुरेश नरसिंह नरसिंह ॥ ७ ॥

माधव मुकुन्द मधुसूदन मुरारे
वामन नृसिंह शरणं भव नतानाम् ।
कामद घृणिन् निखिलकारण नयेयं
कालममरेश नरसिंह नरसिंह ॥ ८ ॥

अष्टकमिदं सकल-पातक-भयघ्नं
कामदं अशेष-दुरितामय-रिपुघ्नम् ।
यः पठति सन्ततमशेष-निलयं ते
गच्छति पदं स नरसिंह नरसिंह ॥ ९ ॥

Narsingh Ashtakam | श्री नृसिंह अष्टकम

shreemadh-akalanGka paripoorNa shashikoati
shreedhara manoahara sataapatala kaantha
paalaya krupaalaya bhavaaMbooDhi nimagnaM
dhaitya-vara-kaala narasiMha narasimha ||

paadha kamalaa vanatha paathaki janaanaaM
paathaka dhavaanala pathathri vara kaethoa
bhaavana paraayaNa bhavaarthi harayaa maaM
paahi krupayaiva  narasiMha narasimha ||

tunGga nakha panGkthi dhalitha-asura varaasruka
panGka nava-kunGkuma vipanGkila mahoarahah
paNditha niDhaana kamalaalaya namasthae
panHkaja niShaNNa narasiMha narasimha ||

maulaeShu vibhuShaNam-ivaamar varaaNaaM
yoagi-hrudhayaeShu cha shirassu nigamaanaam
raajad-aravindha ruchiraM padhayugaM thae
dhaehi mama moorDhni narasiMha narasimha ||

vaarija viloachana madhanthima dhashaayaaM
klaesha viva shikrutha samastha karaNaayaam
aehi ramayaa saha sharaNya vihagaanaaM
naTham-aDhiruhya narasiMha narasimha ||

haataka kireeta vara haara vanamaalaa
Dhaara-rashanaa makara kuNdala maNeendhraih
bhuShitham-asheSha nilayaM thava vapurmae
chothasi chakaasthu narasimha narasimha ||

indu ravi paavaka viloachana ramaayaah
mandhira mahaabhuja lasadhvara raThaanGga
sundhara chiraaya ramathaM thvayi manoa mae
nandhitha suraesha narasimha narasimha ||

maaDhava mukundha maDhusoodhana muraarae
vaamana nrusiMha sharaNaM bhava nathaanaam
kaamadha ghriNin nikhila kaaraNa nayaeyaM
kalam-amaraesha narasimha narasimha ||

ashtakam-idhaM sakala paathaka bhayaghnaM
kaamadhaM asheSha dhurithaamaya ripughnam
yah paTathi santhatham ashaesha nilayaM thae
gachChathi padhaM sa narasimha narasimha ||