श्री दुर्गा अष्टकम् | Shri Durga Ashtakam
Shri Durga Ashtakam (श्री दुर्गा अष्टकम्)
दुर्गे परेशि शुभदेशि परात्परेशि, वन्द्ये महेशदयिते करूणार्णवेशि ।
स्तुत्ये स्वधे सकलतापहरे सुरेशि, कृष्णस्तुते कुरु कृपां ललितेऽखिलेशि ॥ १॥
दिव्ये नुते श्रुतिशतैर्विमले भवेशि, कन्दर्पदाराशतसुन्दरि माधवेशि ।
मेधे गिरीशतनये नियते शिवेशि, कृष्णस्तुते कुरु कृपां ललितेऽखिलेशि ॥ २॥
रासेश्वरि प्रणततापहरे कुलेशि, धर्मप्रिये भयहरे वरदाग्रगेशि ।
वाग्देवते विधिनुते कमलासनेशि, कृष्णस्तुतेकुरु कृपां ललितेऽखिलेशि ॥ ३॥
पूज्ये महावृषभवाहिनि मंगलेशि, पद्मे दिगम्बरि महेश्वरि काननेशि ।
रम्येधरे सकलदेवनुते गयेशि, कृष्णस्तुते कुरु कृपां ललितेऽखिलेशि ॥ ४॥
श्रद्धे सुराऽसुरनुते सकले जलेशि, गंगे गिरीशदयिते गणनायकेशि ।
दक्षे स्मशाननिलये सुरनायकेशि, कृष्णस्तुते कुरु कृपां ललितेऽखिलेशि ॥ ५॥
तारे कृपार्द्रनयने मधुकैटभेशि, विद्येश्वरेश्वरि यमे निखलाक्षरेशि ।
ऊर्जे चतुःस्तनि सनातनि मुक्तकेशि, कृष्णस्तुते कुरु कृपां ललितऽखिलेशि ॥ ६॥
मोक्षेऽस्थिरे त्रिपुरसुन्दरिपाटलेशि, माहेश्वरि त्रिनयने प्रबले मखेशि ।
तृष्णे तरंगिणि बले गतिदे ध्रुवेशि, कृष्णस्तुते कुरु कृपां ललितेऽखिलेशि ॥ ७॥
विश्वम्भरे सकलदे विदिते जयेशि, विन्ध्यस्थिते शशिमुखि क्षणदे दयेशि ।
मातः सरोजनयने रसिके स्मरेशि, कृष्णस्तुते कुरु कृपां ललितेऽखिलेशि ॥ ८॥
दुर्गाष्टकं पठति यः प्रयतः प्रभाते, सर्वार्थदं हरिहरादिनुतां वरेण्यां ।
दुर्गां सुपूज्य महितां विविधोपचारैः, प्राप्नोति वांछितफलं न चिरान्मनुष्यः ॥ ९॥
॥ इति श्री मत्परमहंसपरिव्राजकाचार्य श्रीमदुत्तरांनायज्योतिष्पीठाधीश्वरजगद्गुरू-शंकराचार्य-स्वामि- श्रीशान्तानन्द सरस्वती शिष्य-स्वामि श्री मदनन्तानन्द-सरस्वति विरचितं श्री दुर्गाष्टकं सम्पूर्णम्॥
Shri Durga Ashtakam | श्री दुर्गा अष्टकम्
॥ Durgashtakam ॥
durge paresi subhadesi paratparesi
vandye mahesadayite karunarnavesi ।
stutye svadhe sakalatapahare suresi
krsnastute kuru krpam lalite’khilesi ॥ 1 ॥
divye nute srutisatairvimale bhavesi
kandarpadarasatasundari madhavesi ।
medhe girisatanaye niyate sivesi
krsnastute kuru krpam lalite’khilesi ॥ 2 ॥
rasesvari pranatatapahare kulesi
dharmapriye bhayahare varadagragesi ।
vagdevate vidhinute kamalasanesi
krsnastutekuru krpam lalite’khilesi ॥ 3 ॥
pujye mahavrsabhavahini mamgalesi
padme digambari mahesvari kananesi
ramyedhare sakaladevanute gayesi
krsnastute kuru krpam lalite’khilesi ॥ 4 ॥
sraddhe sura’suranute sakale jalesi
gamge girisadayite gananayakesi ।
dakse smasananilaye suranayakesi
krsnastute kuru krpam lalite’khilesi ॥ 5 ॥
tare krpardranayane madhukaitabhesi
vidyesvaresvari yame nikhalaksaresi ।
urje catuhstani sanatani muktakesi
krsnastute kuru krpam lalita’khilesi ॥ 6 ॥
mokse’sthire tripurasundaripatalesi
mahesvari trinayane prabale makhesi ।
trsne taramgini bale gatide dhruvesi
krsnastute kuru krpam lalite’khilesi ॥ 7 ॥
visvambhare sakalade vidite jayesi
vindhyasthite sasimukhi ksanade dayesi ।
matah sarojanayane rasike smaresi
krsnastute kuru krpam lalite’khilesi ॥ 8 ॥
durgastakam pathati yah prayatah prabhate
sarvarthadam hariharadinutam varenyam ।
durgam supujya mahitam vividhopacaraih
prapnoti vamchitaphalam na ciranmanusyah ॥ 9 ॥
॥ iti sri matparamahamsaparivrajakacarya
srimaduttaramnayajyotispithadhisvarajagadguru-samkaracarya-svami-
srisantananda sarasvati sisya-svami sri madanantananda-sarasvati
viracitam sri durgastakam sampurnam ॥
