श्री परशुराम अष्टोत्तर-शतनाम स्तोत्रम्/Shri Parashuram Ashtottara-Shatanama Stotram

श्री परशुराम अष्टोत्तर-शतनाम स्तोत्रम्/Shri Parashuram Ashtottara-Shatanama Stotram

रामो राजाटवीवह्नि रामचन्द्रप्रसादकः । राजरक्तारुणस्नातो राजीवायतलोचनः ॥ १॥

रैणुकेयो रुद्रशिष्यो रेणुकाच्छेदनो रयी । रणधूतमहासेनो रुद्राणीधर्मपुत्रकः ॥ २॥

राजत्परशुविच्छिन्नकार्तवीर्यार्जुनद्रुमः । राताखिलरसो रक्तकृतपैतृकतर्पणः ॥ ३॥

रत्नाकरकृतावासो रतीशकृतविस्मयः । रागहीनो रागदूरो रक्षितब्रह्मचर्यकः ॥ ४॥

राज्यमत्तक्षत्त्रबीज भर्जनाग्निप्रतापवान् । राजद्भृगुकुलाम्बोधिचन्द्रमा रञ्जितद्विजः ॥ ५॥

रक्तोपवीतो रक्ताक्षो रक्तलिप्तो रणोद्धतः । रणत्कुठारो रविभूदण्डायित महाभुजः ॥ ६॥

रमानाधधनुर्धारी रमापतिकलामयः । रमालयमहावक्षा रमानुजलसन्मुखः ॥ ७॥

रसैकमल्लो रसनाऽविषयोद्दण्ड पौरुषः । रामनामश्रुतिस्रस्तक्षत्रियागर्भसञ्चयः ॥ ८॥

रोषानलमयाकारो रेणुकापुनराननः । राधेयचातकाम्भोदो रुद्धचापकलापगः ॥ ९॥

राजीवचरणद्वन्द्वचिह्नपूतमहेन्द्रकः । रामचन्द्रन्यस्ततेजा राजशब्दार्धनाशनः ॥ १०॥

राद्धदेवद्विजव्रातो रोहिताश्वाननार्चितः । रोहिताश्वदुराधर्षो रोहिताश्वप्रपावनः ॥ ११॥

रामनामप्रधानार्धो रत्नाकरगभीरधीः । राजन्मौञ्जीसमाबद्ध सिंहमध्यो रविद्युतिः ॥ १२॥

रजताद्रिगुरुस्थानो रुद्राणीप्रेमभाजनम् । रुद्रभक्तो रौद्रमूर्ती रुद्राधिकपराक्रमः ॥ १३॥

रविताराचिरस्थायी रक्तदेवर्षिभावनः । रम्यो रम्यगुणो रक्तो रातभक्ताखिलेप्सितः ॥ १४॥

रचितस्वर्णसोपानो रन्धिताशयवासनः । रुद्धप्राणादिसञ्चारो राजद्ब्रह्मपदस्थितः ॥ १५॥

रत्नसूनुमहाधीरो रसासुरशिखामणिः । रक्तसिद्धी रम्यतपा राततीर्थाटनो रसी ॥ १६॥

रचितभ्रातृहननो रक्षितभातृको रणी । राजापहृततातेष्टिधेन्वाहर्ता रसाप्रभुः ॥ १७॥

रक्षितब्राह्म्यसाम्राज्यो रौद्राणेयजयध्वजः । राजकीर्तिमयच्छत्रो रोमहर्षणविक्रमः ॥ १८॥

राजशौर्यरसाम्भोधिकुम्भसम्भूतिसायकः । रात्रिन्दिवसमाजाग्र त्प्रतापग्रीष्मभास्करः ॥ १९॥

राजबीजोदरक्षोणीपरित्यागी रसात्पतिः । रसाभारहरो रस्यो राजीवजकृतक्षमः ॥ २०॥

रुद्रमेरुधनुर्भङ्ग कृद्धात्मा रौद्रभूषणः । रामचन्द्रमुखज्योत्स्नामृतक्षालितहृन्मलः ॥ २१॥

रामाभिन्नो रुद्रमयो रामरुद्रो भयात्मकः । रामपूजितपादाब्जो रामविद्वेषिकैतवः ॥ २२॥

रामानन्दो रामनामो रामो रामात्मनिर्भिदः । रामप्रियो रामतृप्तो रामगो रामविश्रमः ॥ २३॥

रामज्ञानकुठारात्त राजलोकमहातमाः । रामात्ममुक्तिदो रामो रामदो राममङ्गलः ॥ २४॥

मङ्गलं जामदग्न्याय कार्तवीर्यार्जुनच्छिदे । मङ्गलं परमोदार सदा परशुराम ते ॥ २५॥

मङ्गलं राजकालाय दुराधर्षाय मङ्गलं । मङ्गलं महनीयाय जामदग्न्याय मङ्गलम् ॥ २६॥

जमदग्नि तनूजाय जिताखिलमहीभृते । जाज्वल्यमानायुधाय जामदग्न्याय मङ्गलम् ॥ २७॥

Shri Parashuram Ashtottara-Shatanama Stotram/श्री परशुराम अष्टोत्तर-शतनाम स्तोत्रम्

॥ rakaradi sriparasuramastottarasatanamastotram ॥
sri hayagrivaya namah ।
harih Om

ramo rajatavivahni ramacandraprasadakah ।
rajaraktarunasnato rajivayatalocanah ॥ 1 ॥

rainukeyo rudrasisyo renukacchedano rayi ।
ranadhutamahaseno rudranidharmaputrakah ॥ 2 ॥

rajatparasuvicchinnakartaviryarjunadrumah ।
ratakhilaraso raktakrtapaitrkatarpanah ॥ 3 ॥

ratnakarakrtavaso ratisakrtavismayah ।
ragahino ragaduro raksitabrahmacaryakah ॥ 4 ॥

rajyamattaksattrabija bharjanagnipratapavan ।
rajadbhrgukulambodhicandrama ranjitadvijah ॥ 5 ॥

raktopavito raktakso raktalipto ranoddhatah ।
ranatkutharo ravibhudanḍayita mahabhujah ॥ 6 ॥

ramanadhadhanurdhari ramapatikalamayah ।
ramalayamahavaksa ramanujalasanmukhah ॥ 7 ॥

rasaikamallo rasana’visayoddanḍa paurusah ।
ramanamasrutisrastaksatriyagarbhasancayah ॥ 8 ॥

rosanalamayakaro renukapunarananah ।
radheyacatakambhodo ruddhacapakalapagah ॥ 9 ॥

rajivacaranadvandvacihnaputamahendrakah ।
ramacandranyastateja rajasabdardhanasanah ॥ 10 ॥

raddhadevadvijavrato rohitasvananarcitah ।
rohitasvaduradharso rohitasvaprapavanah ॥ 11 ॥

ramanamapradhanardho ratnakaragabhiradhih ।
rajanmaunjisamabaddha simhamadhyo ravidyutih ॥ 12 ॥

rajatadrigurusthano rudranipremabhajanam ।
rudrabhakto raudramurti rudradhikaparakramah ॥ 13 ॥

ravitaracirasthayi raktadevarsibhavanah ।
ramyo ramyaguno rakto ratabhaktakhilepsitah ॥ 14 ॥

racitasvarnasopano randhitasayavasanah ।
ruddhapranadisancaro rajadbrahmapadasthitah ॥ 15 ॥

ratnasunumahadhiro rasasurasikhamanih ।
raktasiddhi ramyatapa ratatirthatano rasi ॥ 16 ॥

racitabhratrhanano raksitabhatrko rani ।
rajapahrtatatestidhenvaharta rasaprabhuh ॥ 17 ॥

raksitabrahmyasamrajyo raudraneyajayadhvajah ।
rajakirtimayacchatro romaharsanavikramah ॥ 18 ॥

rajasauryarasambhodhikumbhasambhutisayakah ।
ratrindivasamajagra tpratapagrismabhaskarah ॥ 19 ॥

rajabijodaraksoniparityagi rasatpatih ।
rasabharaharo rasyo rajivajakrtaksamah ॥ 20 ॥

rudramerudhanurbhanga krddhatma raudrabhusanah ।
ramacandramukhajyotsnamrtaksalitahrnmalah ॥ 21 ॥

ramabhinno rudramayo ramarudro bhayatmakah ।
ramapujitapadabjo ramavidvesikaitavah ॥ 22 ॥

ramanando ramanamo ramo ramatmanirbhidah ।
ramapriyo ramatrpto ramago ramavisramah ॥ 23 ॥

ramajnanakutharatta rajalokamahatamah ।
ramatmamuktido ramo ramado ramamangalah ॥ 24 ॥

mangalam jamadagnyaya kartaviryarjunacchide ।
mangalam paramodara sada parasurama te ॥ 25 ॥

mangalam rajakalaya duradharsaya mangalam ।
mangalam mahaniyaya jamadagnyaya mangalam ॥ 26 ॥

jamadagni tanujaya jitakhilamahibhrte ।
jajvalyamanayudhaya jamadagnyaya mangalam ॥ 27 ॥

॥ iti ramenakrtam parabhavabde vaisakhasuddha tritiyayam
parasurama jayantyam rakaradi sri parasuramastottarasatam
sri hayagrivaya samarpitam ॥