श्री सरस्वती अष्टकम/Sri Saraswati Ashtakam

श्री सरस्वती अष्टकम/Sri Saraswati Ashtakam

॥ श्रीसरस्वत्यष्टकम् ॥

अमला विश्ववन्द्या सा कमलाकरमालिनी । विमलाभ्रनिभा वोऽव्यात्कमला या सरस्वती ॥ १॥

वार्णसंस्थाङ्गरूपा या स्वर्णरत्नविभूषिता । निर्णया भारति श्वेतवर्णा वोऽव्यात्सरस्वती ॥ २॥

वरदाभयरुद्राक्षवरपुस्तकधारिणी । सरसा सा सरोजस्था सारा वोऽव्यात्सरास्वती ॥ ३॥

सुन्दरी सुमुखी पद्ममन्दिरा मधुरा च सा । कुन्दभासा सदा वोऽव्याद्वन्दिता या सरस्वती ॥ ४॥

रुद्राक्षलिपिता कुम्भमुद्राधृतकराम्बुजा । भद्रार्थदायिनी साव्याद्भद्राब्जाक्षी सरस्वती ॥ ५॥

रक्तकौशेयरत्नाढ्या व्यक्तभाषणभूषणा । भक्तहृत्पद्मसंस्था सा शक्ता वोऽव्यात्सरस्वती ॥ ६॥

चतुर्मुखस्य जाया या चतुर्वेदस्वरूपिणी । चतुर्भुजा च सा वोऽव्याच्चतुर्वर्गा सरस्वती ॥ ७॥

सर्वलोकप्रपूज्या या पर्वचन्द्रनिभानना । सर्वजिह्वाग्रसंस्था सा सदा वोऽव्यात्सरस्वती ॥ ८॥

सरस्वत्यष्टकं नित्यं सकृत्प्रातर्जपेन्नरः। अज्ञैर्विमुच्यते सोऽयं प्राज्ञैरिष्टश्च लभ्यते ॥ ९॥

। इति श्रीसरस्वत्यष्टकं समाप्तम् ।

Sri Saraswati Ashtakam/श्री सरस्वती अष्टकम 

Amala Viswa vandhya saa kamala kara malini,
Vimalabra nibha vovyath kamalaya saravathi. 1

Varna samasthnga roopaa, yaa swarna rathna vibhooshithaa,
Nirnaya, bharathi, svetha varna, vovyath Saraswathi. 2

Varadhabhaya rudaraksha vara pusthaka dharini,
Sarasa saa sarojaththa, sara vovyath Saraswathi. 3

Sundari sumukhi padma mandira madhraa cha
Saakunda bhasa, sada vovyath vandhithaa ya Saraswathi. 4

Rudhraksha lipitha Kumbha mudhradrutha karambhuja,
Bhadrartha dhayinisavyath bhadrabjakshi Saraswathi. 5

Raktha, kouseya rathnadyaa, vyaktha bhashana bhooshana,
Bhaktha hrud padma samstha, saa shaktha vovyath Saraswathi. 6

Chathurmukhasya Jayyaa yaa Chathur Veda swaroopini,
Chathur bhuja cha saa vyovyath chatur varga Saraswathi. 7

Sarva loka prapoojya ya parva chandra nibhananaa,
Sarva jihwagra samstha saa sada vovyath Saraswathi. 8

Saraswathyashtakam nithyam sukruthprathar bhajen nara,
Agnair vimuchyathe soyam pragnair ishtascha labhyathe. 9